نوروز ايريم لاري
(باورهاي مرتبط با نوروز در بين تركمن ها)
* توركمن حالق ايريم - اينانج لاري كتابيندان
*فرستنده : آلتاي قاضي

- سمه ني (سمنو) تاييارلانيليان واغتي گؤگه رن بوغدايينگ گؤكجه مايساسي نينگ يوزوني غيرقيپ آليپ ، اوني ساچ باغا داقار اكنلر . سبأبي اول باغت گتيريأرميش .
* * *
- نوروزدا بيشيرلن سمه نيني داتماق ثوغاپ حاساپلانيليار . اول آداملارا ريسغال گتيريأر . سمه ني ريسغال - دؤولتلي ، آبرايلي ياشولي عاياللارا بيشيرديأرلر . آغشام بيشريپ ، غازانينگ آغزيني ياپيپ غوييارلار . ايردن غازاني آچانلاريندا أشه - پاتمانينگ (س) بارماقلاري نينگ ايزيني گؤرجك بولوپ چاليشيارلار . چونكي حالق آراسيندا «سمه ني نينگ يوزونده شولارينگ بارماقلاري نينگ ايزي بولارميش » دييلن اينانچ بار .
* * *
- مسلمان حالق لارينگ كأبيرينده سمه ني دينگه نوروزدا بيشريليأر .
نوروزدا سمه ني بيشيرن آدام اوني يدي اؤيه داديرمالي ميش . شوندا ريسغالينگ يتميش اسسه بولوپ غايديپ گلرميش .
* * *
- نوروز گيجه سي آسمان بولوتلي يا - دا دومانلي بولسا ، ييل ايغاللي گلرميش .
* * *
-نوروز گوني ايردن يره غيراو دوشسه ، توپراق حاصيللي بولارميش .
* * *
- نوروزدا باغلارينگ چيغلي چيبيق لاريندان ، دامجالار گؤرنوپ دورسا ، آغاچلار حاصيللي بولار .
* * *
-نوروزدا سووونگ يوزي غيرپاقلاپ دورسا ، توموس سالقين بولار .
* * *
- نوروزدا آي دميرغازيقدان دوغسا ، ياز سوووق ، توموس سالقين بولار . گون اورتادان دوغسا ، ياز غوراق ، توموس جؤوزالي بولار .
* * *
- نوروزدا غار ، ياغيش ياغسا ، ييل اؤرأن ايغاللي بولار .
* * *
- نوروزدا دوغلان چاغا باغتلي بولارميش .
* * *
- نوروزدا غارغالار غيغيلداشيپ يؤرسه ، ايزينداقي آي دا سالقين بولجاقليغي نينگ عالاماتي .
* * *
- نوروزدا تأزه زات گيسنگ ، شول گييم باغت گتيررميش .
* * *
- نوروزدا هووا ديميق بولسا ، ياز غوراق ، توموس اؤرأن ايسسي بولار .
* * *
- نوروزدا شمال دميرغازيقدان اؤووسسه ، ياز ياغيشلي ، توموس ايسسي بولار .
* * *
- نوروزدا شمال گون اورتادان اؤووسسه ، توموس ايسسي ، اپگك بولار .
* * *
- نوروزدا هووا بولوتلي بولسا ، اوغوز آيينا چنلي بولوتلي بولار .
* * *
- نوروزدا هووا سوووق بولسا ، دأنه لي اكينلر حاصيللي بولار .
* * *
- نوروزدا آق يوركدن اديلن آرزوو حاصيل بولارميش .
* * *
تأزه ييلينگيز قوتلي بولسون